Auka fribeløp for deg som har uførepensjon frå POA og uføretrygd frå Nav

Du som har uførepensjon frå POA og uføretrygd frå Nav, har eit fribeløp inkludert både i inntektsgrensa di i POA og i botnfrådraget ditt i Nav.

Stortinget har vedtatt at fribeløpet skal aukast frå 40 prosent av GGrunnbeløpGrunnbeløpet i folketrygden, som vi ofte kaller G, blir justert en gang i året og er 136 549 kroner per 01.05.2026.Mer om Grunnbeløp til 100 prosent av G. Det nye fribeløpet for arbeidsinntekt gjeld både for Nav og POA.

Auka fribeløp gjeld frå 1. januar 2026. Ifølge vedtaket frå Stortinget skal Nav gjennomføre auken av fribeløp for for uføretrygd frå 1. oktober 2026. Det er enno ikkje vedteke når vi skal gjennomføre auken for uførepensjon frå POA.

Dette betyr nytt fribeløp for uførepensjonen din frå POA

Det nye fribeløpet har ingenting å seie for deg om du ikkje har arbeidsinntekt ved sida av uførepensjonen.

Auka fribeløp kan påverke deg som har arbeidsinntekt ved sida av uførepensjonen:

• Auka fribeløp gjer at du kan tene meir før uførepensjonen blir redusert.
• Du får auka fribeløpet til 100 prosent av G når du har hatt uføretrygd frå Nav i meir enn to år. Dette gjeld ikkje viss uføregrada på uføretrygda di har auka i mellomtida. Då får du eit fribeløp på 100 prosent først når det er meir enn to år sidan uføregrada di auka.
• Om du allereie oppfylte dette vilkåret 1. januar 2026, får du det auka fribeløpet frå denne datoen.

Du får informasjon frå oss når fribeløpet, og dermed inntektsgrensa di, aukar.

Dette skjer seinare, når detaljane i regelverket for POA er avklarte. Vi veit enno ikkje når endringa blir vedtatt og gjennomført.

Du finn meir informasjon om regelendringa for uføretrygd i Nav på nav.no