Slik blir bustadlånsrenta i SPK fastsett
Bustadlånsrenta i SPK følger normrenta, som Skattedirektoratet fastsett på grunnlag av ei basisrente. Basisrenta er basert på rentevilkåra for bustadlån i marknaden.
Normrenta dannar grunnlaget for renta i SPK
Dagens rente i SPK finner du her.
Normrenta blir fastsett på grunnlag av ei basisrente, som er basert på rentevilkår for bustadlån i marknaden. Normrenta er 0,15 prosentdelar lågare enn basisrenta.
Normrenta er den lågaste renta ein arbeidsgivar kan gi på utlån til ein arbeidstakar, utan at arbeidstakaren blir skatta for ein særfordel knytt til låg rente.
Les meir om normrenta på skatteetaten.no
Bustadlånsrenta kan endrast seks gongar i året
I SPK kan renta på bustadlån endrast inntil seks gongar i året – i januar, mars, mai, juli, september og november.
Før ei renteendring er det først ein observasjonsperiode på to månader, pluss ein to månaders varslingsperiode, før den nye renta trer i kraft.
Vi tilbyr ikkje fastrente på lån.
Etterslep på renteutviklinga i SPK
Samanlikna med rentene i dei fleste vanlege banker, får renteutviklinga i SPK eit etterslep på fire månader. Dette gjeld både ved renteoppgang og nedgang.
Det er Finansdepartementet som handterer reglane for rentefastsetting i statsbankane, som inkluderer Lånekassen og Husbanken, i tillegg til SPK