Ord og uttrykk
Regulering av pensjon
Pensjon frå oss vert regulert 1. mai kvart år slik at verdien held seg over tid. Reguleringa skjer automatisk, og du treng ikkje gjere noko.
Det er myndigheitene som fastset grunnbeløpet i folketrygden (G), kor mykje og korleis pensjonane skal bli regulert. Dette skjer årleg i trygdeoppgjøret, og resultatet er normalt klart i mai månad.
Både pensjon under opptening, og utbetalt pensjon blir regulert. Under ser du korleis det skjer.
Slik blir offentleg tenestepensjon regulert
| Pensjonstype | Regulering av opptening fram til 67 år | Regulering av utbetaling før 67 år | Regulering av utbetaling etter 67 år |
|---|---|---|---|
| Alderspensjon | Lønsvekst | Før fylde 67 år utbetalast kun AFP og særalderspensjon for deg fødd i 1962 eller tidlegare | Gjennomsnitt av pris- og lønsvekst |
| AFP og særalderspensjon | Lønsvekst |
Gjennomsnitt av pris- og lønsvekst |
Ytingane blir endra til vanleg alderspensjon frå fylde 67 år |
| Uførepensjon | Lønsvekst | Lønsvekst | Ytinga endrast til alderspensjon seinast ved fylde 67 år |
| Ektefellepensjon | Lønsvekst | Gjennomsnitt av pris- og lønsvekst | |
| Barnepensjon | Lønsvekst | Utbetalast berre til fylde 20 år |
Eksempel på regulering
La oss sjå på eit eksempel der personen har ein pensjon på 10 000 kroner og der gjennomsnitt av pris- og lønsvekst er 8,54 prosent og lønsveksten er berekna til 6,41 prosent.
- Pensjon regulert med lønsvekst = 10 000 x 1,0641 = 10 641 kroner
- Pensjon regulert med gjennomsnitt av pris og lønsvekst = 10 000 x 1,0854 = 10 854 kroner