Slik søkjer du alderspensjon

Du avgjer sjølv når du ønskjer å gå av med pensjon, ut frå aldersgrensa i stillinga di.

Slik er prosessen

  1. Avklar saman med arbeidsgivaren din når du ønskjer og har moglegheit til å gå av med pensjon.
  2. Seinast to månadar før du skal pensjonere deg, må arbeidsgivaren din sende oss ei melding om pensjon. Meldinga kan òg sendast tidlegare. Du treng ikkje å sende ein eigen søknad i tillegg.
  3. Uansett kor tidleg arbeidsgivaren din sender meldinga, stadfestar vi pensjonssaka tidlegast seks veker før pensjoneringsdato.
  4. Arbeidsgivaren din får ei kvittering frå SPK. Du kan òg sjå om vi har oppretta sak om pensjoneringa di ved å logge deg inn på Min side.
  5. Hugs at du òg må søkje alderspensjon frå folketrygda (Nav) med minst same grad som i SPK for å få alderspensjon frå oss.
  6. Når søknaden om pensjon er godkjend, blir alderspensjonen din utbetalt frå og med den første månaden etter pensjoneringsdato.