Berekning og storleik av AFP

Berekning av AFP

Berekninga til SPK av din AFP er avhengig av forskjellige faktorar som

• pensjonsgrunnlagetPensjonsgrunnlagPensjonsgrunnlaget er den arbeidsinntekta det er trekt pensjonsinnskot av og som pensjonen skal bli berekna ut frå.Mer om Pensjonsgrunnlag
• inntekta
• oppteningstidaOpptening / opptjening / tenestetid / tjenestetidDen tida du har vore medlem i Statens pensjonskasse og andre offentlege tenestepensjonsordningar blir kalla oppteningstid eller tenestetid.Mer om Opptening / opptjening / tenestetid / tjenestetid
• stillingsstorleiken
• om du har barn under 18 år og har krav på barnetillegg 

AFP før og etter fylte 65 år

Det er NAV som står for berekning og administrasjon av AFP-ordninga for SPK-medlemmer mellom 62 og 65 år. Utbetalinga vil da vere basert på berekninga av AFP som er gjort av NAV.

Mellom 65 og 67 år er det vi (SPK) sjølv som bereknar og administrerer. Dei fleste AFP-pensjonistar får frå da av utbetalt AFP etter den av NAV og SPK sine berekningar som gir høgast utbetaling. SPK si berekning av heil AFP, dersom du har full opptening, vil utgjere 66 prosent av pensjonsgrunnlaget ditt. Du som er fødd i 1962 eller før får vanlegvis pensjonen berekna etter lønna du har når du ønsker å slutta. Har du hatt høgare lønn tidlegare i karrieren kan denne bli rekna med i pensjonsgrunnlaget ditt.

For å få berekninga til SPK av AFP frå fylte 65 år må du ha vore medlem av SPK eller andre offentlege tenestepensjonsordningar i minst 10 år etter at du fylte 50.

Når du blir 67 år, blir AFP automatisk rekna om til ein «vanleg» alderspensjon frå tenestepensjonsordninga. Hugs at du må søke om å ta ut alderspensjon frå folketrygda når du blir 67. Det skjer ikkje automatisk.

Har du teke ut AFP før du fyller 65 år treng du ikkje søke om AFP på nytt frå SPK. Overføring av utbetaling frå NAV til SPK går automatisk. Du treng ikkje gjera noko.

Eksempel på SPK si berekning av heil AFP

• Går av med pensjon som 65-åring
• Pensjonsgrunnlag: 600 000 kroner
• Opptjeningstid: 25 år
• Gjennomsnittleg stillingsstorleik: 100 %
• Inga barn under 18 år
• Årleg SPK-berekna AFP = 600 000 x 66 % x 25/30 = 330 000 kroner

Storleiken på din AFP

Storleiken på AFP avheng av:

• arbeidsinntekta du har hatt dei siste åra før uttak av AFP. NAV bereknar denne summen, og dei kallar denne «tidlegare estimert inntekt»
• inntekta du fortsetter å ha etter uttak av AFP. Inntekta skriv du på opplysingskjemaet til NAV, og du må sjølv passe på å melde endringar i inntekt så fort som mogeleg og kontinuerleg.

Forholdet mellom desse to beløpa bestemmer AFP-graden din. Eksempel: NAV bereknar at din tidlegare estimerte arbeidsinntekt er 600 000 kroner. Du bedømmer at du etter uttak av AFP vil fortsette å ha ei årsinntekt på 60 000 kroner. Du får da utbetalt (600 000 – 60 000) / 600 000 x 100 % = 90 % AFP.

For at AFP-pensjonen din skal bli utbetalt etter så riktig grad som mogeleg, er det viktig at du kontinuerleg melder frå dersom inntekta din endrar seg.

Kven du skal orientere avheng av kor gammal du er. Er du

• 62-65 år: meld frå til NAV 
• 65-67 år: meld frå til SPK 

Vi vil da vurdere om vi må berekne AFP-graden din på nytt etter endringa.