Utsending: Medlemskapen din i 2024

Vi ønsker å gjere deg merksam på kva lønns- og stillingsopplysingar arbeidsgivaren din har sendt til oss for 2024. Samstundes får du anna nyttig informasjon om pensjon og medlemskapen din i Statens pensjonskasse.

Du finn opplysningane ved å logge deg inn på spk.no. Der finn du nyttig informasjon om pensjon og ei oversikt over arbeidshistorikken din frå i fjor. Du kan også sjekke historikken din frå tidlegare år.

Merk: Vi sender oversikta til alle som er fødde i 1963 og seinare, men ikkje til deg som jobbar i ei stilling med særaldersgrense, som har ei yting frå før eller som har uførepensjon. Det er fordi reglane for særalderspensjon ikkje er vedteke endå, og dei som har ein pensjon frå oss frå før ikkje kan bruke pensjonskalkulatoren vår.

Slik ser det ut når du logger deg inn

Slik ser arbeidshistorikken din ut. Skjermdump: SPK.

Sjekk opplysingane slik at pensjonen din blir rett

Det er viktig at du sjekkar at opplysningane vi har er korrekte. Det er arbeidshistorikken som er utgangspunktet for pensjonsbehaldninga og pensjonen din. Om du ser feil i historikken, tar du kontakt med arbeidsgivar slik at dei kan sende oss riktig dokumentasjon.

Når du har logga inn på spk.no, kan du samtidig prøve pensjonskalkulatoren og sjå kva pensjon du kan få. Sjekk korleis pensjonen endrar seg når du vel ulik alder for å ta ut pensjon og slutte å jobbe. Du kan endre vala og berekne pensjon i kalkulatoren så mange gonger du vil.

Pensjon er annleis enn før

For deg som er fødd i 1963 og seinare, er pensjon annleis enn før:

• Du kan jobbe og ta ut pensjon samtidig, og du må ikkje slutte å jobbe for å få pensjon.
• Ta ut pensjon og gå av med pensjon er to ulike ting. Du kan ta ut pensjon og halde fram med å jobbe. Eller du kan slutte i jobben og gå av med pensjon.
• AFP er ikkje lenger ein tidlegpensjon, men ein del av den totale alderspensjonen din. Du beheld AFP-en resten av livet, sjølv om du ventar nokre år med å ta ut pensjon.